U3F1ZWV6ZTM3MDQ1NzgyMjc3NDkzX0ZyZWUyMzM3MTY4Mjg0MTMzNw==

مقارنة بين حلل استانلس و حلل الجيرانيت

حلل الجيرانيت ولا حلل الاستانلس مقارنة مهمة جدا


اختار الجيرانيت و لا الاستاليس الاجابة بتكون  حسب الاستخدام طيب نوضح اكتر  الجيرانيت هو عبارة طقم المونيا ولكن واخذ طبقه مانع الالتصاق على شكل الجرانيت يعني مع مرور الوقت الطبقه دي حتتقشر وحتتخدش ده ليه ده عشان الحلل دي الجرانيت لها عمر افتراضي محدد يعني من ثلاث او خمس سنين حد اقصى على عكس الاستانلس العمر الافتراضي بتاعه طويل من 10 ل  15 سنه .

برده لازم نكون عارفين ان الطقم الجرانيت ده هو في الاساس طقم المونيا واخد طبقه عزله تمنع الالتصاق وبيكون شكلها شكل الجرانيت ولكن هي مش خامه الجرانيت هي لون وشكل بس .

طيب لو هنجيب جرانيت نحافظ عليها ازاي بيكون عن طريق استخدام معالق سيليكون وعدم استخدام معالق معدن عشان العمر الافتراضي  يكون طويل معنا وكمان نغسلها بالسفنجه طريه .

افضل نوع لطقم حلل الجرانيت ممكن تجيبوه هو طقم نيوفلام الكوري و السافلون التركي واحسن طقم ستانلس ممكن تجيبوه هو الكوركوماز التركي والحاجات دي سعرها غاليه مقابل الجوده بتاعتها يعني الطقم ممكن يكون عامل من 4000 ل 5000 جنيه حسب كل تاجر.

احسن ميزه في طقم الاستانلس ان هو معمر و اساسي في كل بيت يعني ما ينفعش اي بيت يكون ما فيهوش طقم ستانلس هو الاساس بعديه بيكون طقم الجرانيت وغالبا طقم الجرانيت ده بيكون ترفيه يعني الناس اللي متحبش  تغسل او تدعك في طقم الحلل الاستانلس في تشتري الجرانيت ده للراحه مش اكثر غير كده الاساس هو طقم الاستانلس ده اساس كل بيت .

اكثر عيب ممكن تواجه في طقم الجرانيت هو ان مثلا لو حد نسي او قرايب لكم استخدموا معالق معدن هتقشر مع الوقت الجوده هتقل و هتلزق معكم يفضل عدم استخدام اي معالق معدن او سكين داخل الحله بمعنى ان ما ينفعش نقطع اي حاجه بسكينه معدن داخل الحله عشان نحافظ على الطبقه بتاعتها واهم حاجه اهم حاجه لازم معالق السيليكون او معالق الخشب عشان نحافظ عليها مده اطول.

اكثر ميزه لطقم الجرانيت ان كل الموديلات الجديده زي نيوفلام والبدرينى الايطالى والكروكماز التركى ان في الطبقه مانع الالتصاق بتكون صحيه بمعنى انها لو اتقشرت بتكون صحيه في الطعام ومش بتاثر اي ضرر على الصحه لانها معالجه دي احسن ميزه عشان لو لقدر الله تخربش فين متاثرش على الصحه.


طيب السؤال هنا اجيب طقم جرانيت ولا اجيب طقم استانلس طبعا الاساس نجيب طقم استانلس عشان كده كده طقم الجرانيت ثلاث سنين او اربع سنين الطبقة بتاعته  هتخربش وهيبقى معكم طقم المونيا غير ان ممكن طقم الاستانلس بيبقى مورث يعني بيتورث من جيل لجيل و قيمته ما بتروحش.

طيب في مشكله بتواجهنا وهي ان الكوركوماز غالي لكن في بديل ليه وهو طقم البونيره التركي دا يكون سعره ارخص شويه ده عشان شركه كروكماز بقى لها اسم كبير جدا في السوق واسعرها بقت غاليا جدا لكن البونيره غير مشهور وبالتالى هيبقى سعره رخيص وهو غالبا بيبقى نفس الخامه من مصنع واحد في تركيا ولكن واحد بيتصنع باسم كروكماز التركي واحد بيتصنع باسم بونيرة و لكم الاختيار .

دا فيديو بيوضح اكتر و عملي حيفيدك جدا  .




تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة