ريفيو كامل عن الكاسات البوهيمي و اسعارها و الفرق بين الاصلي و التقليد

 انهرضة حنتكلم عن ازاي نشتري كاسات نظيفة كرستال و زجاج عادي من البداية  كدا لازم نعرف ان في انواع و اشكال كتير من الكاسات في السوق بس الفكرة انهي افضل و احسن جودة فيهم هو ده الفرق اني مشتريش اي نوع وخلاص هنا الفكرة و يكون براند محترم طبعا لما نتكلم عن كاسات حنتكلم عن المستورد وملناش دعوة بالمحلي عشان جودة المستورد انظف بكتير و المستورد كمان درجات من الجودة زاي اي حاجة طب السؤال هنا

اي افضل نوع الكاسات بالترتيب ؟

١- البوهيمي 

افضل نوع من كاسات هو ( بوهيمي) صناعة تشيكي وده بيكون صناعة يدوية هاند كات وهو الاول في الجودة ولكن سعرة غالي شوية طب سعره غالي ليه عشان مستورد عشان كرستال عشان اشيك حاجة ممكن تجبيها عشان نسبة الرصاص فية ٢٤٪ يعني اكتر كاس بيلمع ممكن تلاقيه سعرة في مصر وصل ل ٧٥٠ جنية مصري للطقم اللي هو ست كاسات و بيختلف سعرة من بلد لتانية .

٢- نخت مان

النوع التاني من الكاسات و هو (Nacht man ) وده زجاج مش كرستال من جودة عالية صناعة الماني سعره في مصر يتراوح من ٤٠٠ ل ٦٠٠ للطقم ٦ كاسان و بيختلف من  لتاني في السعر والسعر بيختلف من بلد لتانية.

٣- النوع الايطالي

طب النوع التالت من الكاسات وهو كرستال ( rcr ) ار سي ار صناعة ايطالي وده مشهور و منتشر في مصر بشكل كبير لانخفاض سعره و فيه منه اطقم ملون مش شفاف بس و سعره حاليا من ٢٥٠ل ٤٠٠ للطقم ست كاسات .

٤- النوع التركي

النوع الرابع اسمو (ڤي لاين vline) و (باشباشا) وده صناعة تركي موجود في مصر بشكل كبير بس ده زجاج مش كرستال و فيه منه ملون مش شفاف بس سعره من ٢٠٠ل ٣٠٠ جنية 


٥ - النوع التركي و مرسوم في مصر :

دا نوع مختلف شوية دا بيبقي صناعة تركي و مرسوم في مصر بيجي من تركيا سادة و بيخش الورش في مصر يتلون و بيتحفر عليه اشكال مختلفة يتحط لوجو بوهيمي و هو اصلا مش بوهيمي وده سعره من ١٥٠ ج ل ٢٥٠ ج 

دول افضل ٤ انواع من الكاسات ممكن تجبيها اتمني تكونوا استفتوا معانا.